ᐁ ᒌᐦᑳᔮᐸᐦᑎᑲᓅᒡ ᑯᐐᔅᒄ ᒉᒌ ᐃᐦᑐᑣᑲᓅᑣᐤ ᒥᓯᐌ ᐄᔨᔫᒡ᙮

ᑳ ᐯᔭᑯᔖᑉ (11) ᒌᓯᑴᓯᑦ ᒪᔥᑰᑎᓅᐲᓯᒻ 1975 ᐁᑯᐦᑕ ᑳ ᒪᓯᓇᐦᐆᓲᓈᓅᒡ ᒉᐃᒥᔅ ᐯᐃ ᑲᔦᐦ ᒌᐌᑎᓅᑖᐤ ᑯᐯᒃ ᓂᔅᑲᒧᐎᓐ᙮ ᑯᐯᒃ ᑎᐯᔨᐦᒉᓲ ᑳᓇᑖ ᑎᐯᔨᐦᒉᓲ ᑯᐯᒃ ᐅᔅᑯᑕᒧᐦᒉᓲ ᐄᔨᔫ ᑎᐯᔨᐦᒉᓲ ᑲᔦᐦ ᐄᔅᒋᒣᐤ ᑎᐯᔨᐦᒉᓲ ᐁᑯᒌ ᑳ ᐐᒋᐦᐄᐌᑣᐤ ᐆᔫ
ᑳ ᒪᓯᓇᐦᐆᓲᓈᓅᔨᒡ᙮ ᐁᐅᑯᔫ ᒸᐅᒡᒡᓃᔥᑕᒻ ᑳ ᒪᓯᓇᐦᐆᓲᑣᐤ ᐄᔨᔫᒡ ᓂᔅᑲᒧᐎᓂᔫ ᐁ ᐐᔑᐙᑕᐦᒀᐤ ᐅᑕᔅᒌᐙᐤ ᐄᔨᔫ ᐃᐦᑐᐎᓂᔫ ᑲᔦᐦ ᓂᑑᐦᐆᐎᓂᔫ᙮ ᐁᑯᑌᐦ ᑲᔦᐦ ᐅᐦᒋ ᐅᑐᑌᒥᐦᑖᑐᑣᐤ ᑯᐯᒃ ᑎᐯᔨᐦᒉᓲ ᑲᔦᐦ ᒉᐃᒥᔅ ᐯᐃ ᑲᔦᐦ ᒌᐌᑎᓅᑖᐤ ᐄᔨᔫᒡ᙮

ᐊᓐ ᓂᔅᑲᒧᐎᓐ ᑳ ᒪᓯᓇᐦᐆᓲᓈᓅᐎᒡ ᒌ ᐋᔨᒥᑑᑕᒧᒡ ᐄᔨᔫᒡ ᐁᒌ ᐯᐦᑕᐦᒀᐤ ᒉ ᐅᔅᑯᑕᒧᐦᒑᓅᔨᒡ᙮ ᒌ ᒫᔥᑖᐅᒡ ᐁᑳ ᒉᒌ
ᐅᓈᒋᔥᑖᑲᓅᔨᒡ ᓂᑑᐦᐆ ᐊᔅᒌᔫ ᑲᔦᐦ ᒉᒌ ᐊᔮᒡ ᐄᔨᔫ ᒉᒌ ᒥᔫᐱᒫᑎᓰᒡ᙮ ᓀᒥᑎᓅ ᓂᔮᔪ (45) ᐊᐦᐳᓐᐦ ᒌ ᒫᔥᑖᐤ ᐄᔨᔫ ᐁᑳ ᒉᒌ ᐅᓈᒋᔥᑖᑲᓅᔨᒡ ᐄᔨᔫ ᐊᔅᒌᔫ ᐁᑳ ᑲᑴᒋᒫᑲᓅᑣᐤ ᓃᔥᑕᒻ ᑲᔦᐦ ᐁᑳ ᐃᐦᑕᑯᐦᒡ ᓂᔅᑲᒧᐎᓐ᙮

ᑳ ᒪᓯᓇᐦᐆᓲᓈᓅᒡ ᐆ ᓂᔅᑲᒧᐎᓐ ᒌ ᐐᒋᐦᐄᑯᐎᒡ ᐄᔨᔫᒡ ᒉᒌ ᐊᔮᑣᐤ ᒉᒌ ᐐᒋᐦᐋᑣᐤ ᐅᑏᔨᔭᒸᐤᐦ ᑲᔅᒋᐦᐆᐎᓐᐦ ᒉᒌ ᒥᔫᐱᒫᑎᓰᔭᐦᒡ᙮ ᒌ ᐊᔮᐤ ᐄᔨᔫ ᒉᒌ ᓂᐦᑖᐅᒋᐦᐆᒡ ᑲᔦᐦ ᒉᒌ ᓃᑳᓂᓰᑣᐧ ᐅᑕᔅᒌᐙᐦᒡ᙮